ປະກາດຮັບສະໝັກພະນັກງານ

ສະມາຄົມຊຸມຊົນເພື່ອຊີວິດ ແລະ ສິ່ງແວດລ້ອມ (CASE) ເປັນອົງການຈັດຕັ້ງສັງຄົມ, ເຄື່ອນໄຫວບໍ່ຫວັງຜົນກຳໄລ ເຄື່ອນໄຫວວຽກງານກະສິກຳ ແລະ ປ່າໄມ້, ຊັບພະຍາກອນທຳມະຊາດ ແລະ ສິ່ງແວດລ້ອມ, ແຮງງານ ແລະ ສະຫວັດດີສັງຄົມ, ສາທາລະນະສຸກ, ສຶກສາທິການ ແລະ ກິລາ, ພະລັງງານ ແລະ ບໍ່ແຮ່, ຖະແຫຼ່ງຂ່າວ ວັດທະນະທຳ ແລະ ການທ່ອງທ່ຽວ ທີ່ເຄື່ອນໄຫວຂອບເຂດທົ່ວປະເທດ.

ປະຈຸບັນກຳລັງຈັດຕັ້ງປະຕິບັດໂຄງການສົ່ງເສີມການມີສ່ວນຮ່ວມຂອງຊຸມຊົນໃນການຄຸ້ມຄອງທີ່ດີນ ແລະ ປ່າໄມ້ບ້ານ ເພື່ອການພັດທະນາທີ່ຍືນຍົງ ຢູ່ເມືອງຊານໄຊ ໄລຍະເວລາ 3 ປີ ມີຄວາມຕ້ອງການຮັບພະນັກງານ ດັ່ງລຸ່ມນີ້:

• ຜູ້ປະສານງານໂຄງການ 1 ຕໍາແຫນ່ງ ປະຈໍາໂຄງການຢູ່ເມືອງຊານໄຊ, ແຂວງອັດຕະປື ໄລຍະເວລາ ສັນຍາ 12 ເດືອນ (ທົດສອບວຽກງານ 3 ເດືອນ)

ພາລະໜ້າທີ່ຫຼັກ:

• ສ້າງແຜນກິດຈະກໍາປະຈໍາປີ ປະຈໍາໄຕມາດ ແລະ ປະຈໍາເດືອນ ພ້ອມນໍາພາທີມງານຈັດຕັ້ງປະຕິບັດກິດຈະກໍາ
• ຈັດຕັ້ງປະຕິບັດ, ສົ່ງເສີມ ແລະ ພັດທະນາກິດຈະກໍາດ້ານ,ໃນການຈັດຕັ້ງປະຕິບັດໂຄງການສົ່ງເສີມຄວາມເຂັ້ມແຂງ, ລະບົບການດໍາລົງຊີວິດໃນຊຸມຊົນໃນບ້ານເປົ້າຫມາຍຂອງໂຄງການ;
• ປະສານງານກັບລະຫວ່າງສະມາຄົມ CASE ຊຽງຂວາງ, ແລະ ຄູ່ຮ່ວມງານຂັ້ນແຂວງ, ເມືອງ, ບ້ານ ແລະ ອົງການຈັດຕັ້ງອື່ນໆ ທີ່ກ່ຽວຂ້ອງ;
• ຕິດຕາມ ກວດກາ ແລະ ຊຸກຍູ້ວຽກງານຂອງໂຄງການທີ່ຮັບຜິດຊອບ.

–     ລາຍງານການຈັດຕັ້ງກິດຈະກໍາ ປະຈໍາເດືອນ ແລະ ປະຈໍາປີ ໃຫ້ສາຍງານ ແລະ ຄູ່ຮ່ວມງານຕາມຄວາມ

ຕ້ອງການ.

ຄຸນນະວຸດ ແລະ ມາດຖານຕ້ອງການ:

• ຮຽນຈົບປະລິນຍາຕີ ຫຼື ທຽບເທົ່າ ດ້ານປ່າໄມ້, ທີ່ດີນ, ສິ່ງແວດລ້ອມ, ກົດໝາຍ ແລະ ອື່ນໆທີ່ກ່ຽວຂ້ອງ;
• ສັນຊາດລາວ ມີອາຍຸລະຫວ່າງ 25-40 ປີ;
• ມີປະສົບການເຮັດວຽກດ້ານທີ່ດີນ, ກົດໝາຍ ແລະ ປ່າໄມ້ ມາກ່ອນຫຼາຍກວ່າ 1 ປີ, ເຄີຍເຮັດວຽກນໍາພາກລັດ ຫຼື ອົງການຈັດຕັ້ງສາກົນ ຫຼື ສະມາຄົມ ຫຼື ບໍລິສັດ
• ສາມາດນໍາໃຊ້ຄອມພິວເຕີ : Word, Excel, Power point, Publisher, ArcGIS, QGIS ອິນເຕີເນັດ ແລະ ອື່ນໆ; ສາມາດເວົ້າ ແລະ ຂຽນພາສາອັງກິດໄດ້ດີພໍສົມຄວນ;
• ຖ້າເປັນຄົນຖິ່ນຖານຢູ່ເມືອງຊານໄຊ ຈະພິຈາລະນາເປັນພິເສດ;
• ຈະຕ້ອງມີໃບອະນຸຍາດຂັບຂີ່ລົດຈັກ;
• ສາມາດເລີ່ມເຮັດວຽກໄດ້ພາຍໃນວັນທີ 15 ມັງກອນ 2025
• ສຳພາດແມ່ນຫຼັງຈາກທ່ານຍືນເອກະສານພາຍໃນ 3 ວັນ.(ຍືນກ່ອນ ສຳພາດກ່ອນ)

ທ່ານໃດສົນໃຈສາມາດຍື່ນຄໍາຮ້ອງສະໝັກດ້ວຍຕົນເອງ ພ້ອມດ້ວຍ ຊີວະປະຫວັດ, ອັດປື້ມສໍາມະໂນຄົວ/ບັດປະຈໍາຕົວ ແລະ ເອກກະສານອື່ນໆ ທີ່ກ່ຽວຂ້ອງ ມາທີ່ ສະເກນ ເປັນ PDF ສົ່ງມາທາງອີແມວ: info@case.org.la, Whatsapp: 020 22340657

ກຳນົດສົ່ງບໍ່ໃຫ້ກາຍວັນທີ 10 ມັງກອນ 2025