ປະກາດຮັບສະໝັກຄູຝຶກ
ກ່ຽວກັບການສ້າງຄວາມສາມາດດ້ານກະສິກຳສະຫຼາດດ້ານດິນຟ້າອາກາດ (CSA) ຕໍ່ການຜະລິດພືດຜັກ
I. ພາລະໜ້າທີ່ຂອງສະມາຄົມເຊດາ

ສະມາຄົມພັດທະນາກະສິກຳແລະສິ່ງແວດແບບຍືນຍົງ (ສກສຍ) ແມ່ນສະມາຄົມບໍ່ຫວັງຜົນກຳໄລ. ສກສຍ ມີວິໃສທັດເພື່ອອານາຄົດຂອງຊຸມຊົນລາວໃນການປັບປຸງການດໍາລົງຊີວິດໃຫ້ດີຂື້ນ ແລະ ຍືນຍົງ ທາງດ້ານການຄໍ້າປະກັນດ້ານສະບຽງອາຫານ ແລະ ໂພຊະນາການດ້ວຍການພັດທະນາກະສິກຳ ແລະ ອະນຸລັກສິ່ງແວດລ້ອມ.

ສກສຍ ມີພາລະກິດເພື່ອສົ່ງເສີມກະສິກຳແບບຍືນຍົງ, ອາຫານ ແລະ ອະນຸລັກສິ່ງແວດລ້ອມ ດ້ວຍການພັດທະນາຂີດຄວາມສາມາດທາງດ້ານການສ້າງລາຍຮັບທີ່ນໍາໃຊ້ວິທີການແບບມີສ່ວນຮ່ວມຂອງຊຸມຊົນທຸກຍາກ ເຊິ່ງປະກອບດ້ວຍຊາວກະສິກອນ, ຜູ້ດ້ອຍໂອກາດ, ແມ່ຍິງ, ຊາວໜຸ່ມ ແລະ ກຸ່ມຊົນເຜົ່າ.

ສະມາຄົມໄດ້ມີໂຄງການສົ່ງເສີມກະສິກຳນິເວດເພື່ອຊາວກະສິກອນຂະໜາດນ້ອຍ ຢູ່ແຂວງຈຳປາສັກ ແມ່ນໄດ້ຈັດຕັ້ງຢູ່ 15 ບ້ານ 2 ເມືອງ (ເມືອງໂພນທອງ, ເມືອງປາກຊ່ອງ) ແລະ 1 ນະຄອນປາກເຊ.

II. ຄຸນນະວຸດ ແລະ ປະສົບການ

• ຕ້ອງມີປະສົບການກ່ຽວກັບການປະເມີນຜົນກະທົບດິນຟ້າອາກາດຕໍ່ກະສິກຳ ຢ່າງໜ້ອຍ 3 ປີຂຶ້ນໄປ
• ເຄີຍມີປະສົບການເຮັດວຽກກ່ຽວກັບການພັດທະນາຊຸມຊົນ ແລະ ການເປັນຄູຝຶກ
• ເປັນຄົນສັນຊາດລາວ
• ສາມາດເດີນທາງໄປຕ່າງແຂວງໄດ້ (ແຂວງພາກໄດ້)
• ມີສຸຂະພາບແຂງແຮງ
• ສາມາດເຮັດວຽກແຕ່ວັນທີ 28-30/04/2025 ຫາ ວັນທີ 01/05/2025

III. ໜ້າທີ່ຮັບຜິດຊອບຫຼັກ

• ອອກແບບການຝຶກອົບຮົມຮ່ວມກັບຜູ້ຮັບຜິດຊອບໂຄງການ
• ເປັນຄູຝຶກກ່ຽວກັບການສ້າງຄວາມສາມາດດ້ານກະສິກຳສະຫຼາດດ້ານດິນຟ້າອາກາດຕໍ່ການຜະລິດພືດຜັກ:
  • ການປະເມີນຄວາມສ່ຽງ
  • ພື້ນຖານການປ່ຽນແປງດິນຟ້າອາກາດ
  • ການວິເຄາະຄວາມບອບບາງ ແລະ ການຮັບມືກັບດິນຟ້າອາກາດ
  • ແຜນທີ່ຄວາມສ່ຽງຂອງສວນ
  • ປະເມີນຊັບພະຍາກອນຂອງຊາວກະສິກອນເປົ້າໝາຍ
  • ປະເມີນຜົນກະທົບຊັບພະຍາກອນຂອງຊາວກະສິກອນເປົ້າໝາຍ (ປະຫວັດຂອງຜົນກະທົບ, ປະຕິທິນລະດູການປູກພືດຜັກ, ຕ້ອງໂສ້ຜົນກະທົບພືດຜັກ, ຕາຕະລາງຄວາມສ່ຽງພືດຜັກ, ສາຍພົວພັນໃນຊຸມຊົນຕໍ່ພືດຜັກ, ແນວທາງການປັບຕົວ)
  • ແຜນການປັບຕົວພືດຜັກ
  • ວິທີປະເມີນມາດຕະການ ແລະ ຄວາມເປັນໄປໄດ້ໃນການປ້ອງກັນ ແລະ ບົບຕົວ ແລະ ອື່ນທີ່ກ່ຽວຂ້ອງ
• ຂຽນບົດລາຍງານຜົນຂອງການຝຶກອົບຮົມໃຫ້ໂຄງການ

IV. ວັນເວລາ ແລະ ສະຖານທີ່

ຈໍານວນວັນເຮັດວຽກທັງໝົດ 6 ວັນ:

• ກຽມເອກະສານ 1 ວັນ
• ຝຶກອົບຮົມ 4 ວັນ
• ຂຽນບົດລາຍງານ 1 ວັນ

ຕາຕະລາງການເດີນທາງ:

• ເດີນທາງຈາກວຽງຈັນຫາປາກເຊ ວັນທີ 27/04/2025
• ຝຶກອົບຮົມ ວັນທີ 28-30/04/2025 ຫາ ວັນທີ 01/05/2025
• ເດີນທາງກັບນະຄອນຫຼວງວຽງຈັນ ວັນທີ 02/05/2025

ສະຖານທີ່: ນະຄອນປາກເຊ

V. ການສະໝັກ

ທ່ານໃດສົນໃຈສາມາດຍື່ນຄໍາຮ້ອງສະໝັກຂຽນດ້ວຍຕົວເອງ ພ້ອມດ້ວຍ ຊີວະປະຫວັດ, ສົ່ງມາທາງອີແມ່ວ: infor.saedalaos@gmail.com

ປິດຮັບສະໝັກ: ວັນທີ 25/04/2025