ປະກາດຮັບສະໝັກພະນັກງານ (ສຳລັບ ເມືອງຮ້ຽມ, ແຂວງຫົວພັນ)

ສະມາຄົມ ຊ່ວຍເຫຼືອຟື້ນຟູຄຸນນະພາບຊີວິດ (ສຊຟຄ)
Quality of Life Association (QLA)

ທີ່ຕັ້ງສຳນັກງານໃຫຍ່: ເຮືອນເລກທີ 41/03, ບ້ານໂພນສະຫວັນໄຊ, ເມືອງແປກ, ແຂວງຊຽງຂວາງ
Head Office: House No.41/03, Phonsavanhxai Village, Peak District, Xiengkhouang province

QLA ມີຄວາມຕ້ອງການຮັບສະໝັກ:

ຕຳແໜ່ງ: ຜູ້ອຳນວຍຄວາມສະດວກ (Facilitator)

• ຈຳນວນ: 2 ຕຳແໜ່ງ

• ສະຖານທີ່ປະຈຳການ: ເມືອງຮ້ຽມ, ແຂວງຫົວພັນ

ກ່ຽວກັບອົງກອນ:
QLA ໄດ້ສ້າງຕັ້ງຂຶ້ນໃນປີ 2011 ເຄື່ອນໄຫວພາຍໃນແຂວງຊຽງຂວາງ ແລະ ໄດ້ຍົກລະດັບຈົດທະບຽນເປັນສະມາຄົມເຄື່ອນໄຫວໃນຂົງເຂດທົ່ວປະເທດໃນປີ 2020 ເພື່ອຈຸດປະສົງສະເພາະໃນການຊ່ວຍເຫຼືອຜູ້ເຄາະຮ້າຍຈາກລະເບີດບໍ່ທັນແຕກ (UXO) ແລະ ຄົນພິການ (PWD) ໃນ ສປປ ລາວ. QLA ໄດ້ຈັດຕັ້ງປະຕິບັດຫຼາຍໂຄງການໃນການຊ່ວຍເຫຼືອຜູ້ລອດຊີວິດຈາກລະເບີດບໍ່ທັນແຕກ ເຊິ່ງລວມມີການລະດົມທຶນເພື່ອປິ່ນປົວຜູ້ທີຖືກອຸປະຕິເຫດຈາກລະເບີດບໍ່ທັນແຕກ, ການຕິດຕາມຊຸກຍູ້ຜູ້ລອດຊີວິດ, ສໍາຫຼວດຜູ້ລອດຊີວິດຈາກລະເບີດບໍ່ທັນແຕກໃໝ່ ແລະ ຊຸມຊົນທີ່ໄດ້ຮັບຜົນກະທົບຈາກລະເບີດບໍ່ທັນແຕກ ເພື່ອຕອບສະໜອງຄວາມຕ້ອງການຜູ້ລອດຊີວິດຈາກລະເບີດບໍ່ທັນແຕກ ແລະ ສົ່ງຕໍ່ໃຫ້ສູນຟື້ນຟູໜ້າທີ່ການ ແລະ ບັນດາພະແນກການຢູ່ພາຍໃນແຂວງ ໃຫ້ການຊ່ວຍເຫຼືອດ້ານການແພດ ແລະ ສືບຕໍ່ປະສານສົມທົບກັບພະແນກແຮງງານ ແລະ ສະຫວັດດີການສັງຄົມ, ພະແນກກະສິກຳ ແລະ ປ່າໄມ້ ຈັດຕັ້ງການລ້ຽງສັດ ແລະ ພະແນກສຶກສາ (ວິທະຍາໄລເຕັກນິກວິຊາຊີບແບບປະສົມປະສານ) ເພື່ອເຝິກອົບຮົມວິຊາຊີບຕ່າງໆ ໃຫ້ຜູ້ລອດຊີວິດຈາກລະເບີດບໍ່ທັນແຕກ ແລະ ກຸ່ມຄົນພິການທົ່ວໄປ.

ໜ້າທີ່ຮັບຜິດຊອບ:

• ຂື້ນແຜນກິດຈະກຳ-ສະຫຼຸບລາຍງານ ການຈັດຕັ້ງປະຕິບັດວຽກງານ.

• ລົງເຮັດວຽກຢູ່ຊຸມຊົນ ຕາມຮູບແບບກິດຈະກຳໂຄງການ, ນໍາໃຊ້ແບບຟອມຂອງໂຄງການ….

• ປະສານງານ, ສ້າງສາຍພົວພັນທີ່ດີກັບຄູ່ຮ່ວມງານ, ອຳນາດການປົກຄອງທ້ອງຖິ່ນ ແລະ ຊຸມຊົນ.

• ວາງແຜນການຈັດຕັ້ງປະຕິບັດກິດຈະກຳຮ່ວມກັບທີມງານ ແລະ ລາຍງານການປະຕິບັດງານ.

• ປັບປຸງແຜນປະຕິບັດວຽກ action plan (ເປົ້າຫມາຍ ແລະ ການຊ່ວຍເຫຼືອ) ກັບຄົນພິການ ແລະ ຄອບຄົວຂອງເຂົາເຈົ້າ.

• ປະຕິບັດຕາມມາດຖານເຄື່ອງມືທີ່ວາງໄວ້ ແລະ ເຄື່ອງມືສະເພາະຂອງການຊ່ວຍເຫຼືອຕ່າງໆທີ່ອອກແບບກິດຈະ ກຳ.

• ຊ່ວຍວຽກງານທີ່ກຽ່ວຂ້ອງຂອງໜ່ວຍງານບໍລິຫານ ສະມາຄົມ.

ເງື່ອນໄຂຂອງຜູ້ສະໝັກ ແລະ ຄຸນວຸດທິ:

• ການສຶກສາຈົບຊັ້ນສູງຂື້ນໄປ ຫຼືມີປະສົບການ ທີ່ກ່ຽວຂ້ອງດ້ານການພັດທະນາຊົນນະບົດ, ພັດທະນາຊຸມຊົນ, ກະສິກຳ, ສາທາລະນະສຸກ, ສຶກສາ ຫຼື ສາຂາທີ່ກ່ຽວຂ້ອງ.

• ມີທັກສະການນໍາໃຊ້ຄອມພິວເຕີ Word, Excel, E-mail, Power-point ແລະ ອື່ນໆ.

• ມີຄວາມສາມາດໃນການເຮັດວຽກກັບຄົນທີ່ມີຄວາມພິການ ແລະ ຊຸມຊົນທີ່ໄດ້ຮັບຜົນກະທົບຈາກລະເບີດ.

• ມີຄວາມຫ້າວຫັນ, ມີມະນຸດສຳພັນດີໃນການເຮັດວຽກຮ່ວມກັບພະນັກງານຄົນລາວ, ຕ່າງປະເທດ ແລະ ຊຸມຊົນ.

• ມີປະສົບການເຮັດວຽກກັບໂຄງການ ຫຼື ບໍລິສັດ ທີ່ເຮັດວຽກກັບຊຸມຊົນໂດຍສະເພາະແມ່ນຜູ້ຖືກເຄາະຮ້າຍຈາກລະເບີດ ແລະ ຜູ້ມີຄວາມພິການ.

• ສັນຊາດລາວ, ອາຍຸ 20-35 ປີ, ສຸຂະພາບແຂງແຮງ ສາມາດເຮັດວຽກພາກສະໜາມ ແລະ ນອນຄ້າງຄືນຢູ່ສະໜາມໄດ້.

• ມີແນວຄິດສ້າງສັນ, ຮຽນຮູ້-ແລກປ່ຽນ ແລະ ພັດທະນາຕົນ.

• ມີຄວາມຮູ້ທາງດ້ານການສື່ສານພາສາອັງກິດ

• ຖ້າສາມາດປາກເວົ້າພາສາທ້ອງຖິ່ນໄດ້ (ພາສາມົ້ງ ແລະ ກຶມມຸ) ແລະ ຖ້າເປັນຄົນພິການທີ່ມີຄວາມຮູ້ດ້ານນີ້ຈະພິຈາລະນາພິເສດ.

ຊ່ອງທາງການສະໝັກ:
ທ່ານທີ່ສົນໃຈສາມາດສົ່ງເອກະສານສະໝັກວຽກປະກອບມີ:

• ຊີວະປະຫວັດ (CV)

• ຈົດໝາຍສະໝັກວຽກ (Cover Letter)

ສົ່ງຂໍ້ມູນມາທີ່ອີເມວ:
Phetsakhone29@gmail.com
ແລະ CC: qualifasc@gmail.com

ປິດຮັບສະໝັກ: ວັນທີ 21 ກໍລະກົດ 2025 ເວລາ 17:00 ໂມງ.

ສຳລັບຂໍ້ມູນເພີ່ມເຕີມໂທ:
061 211124
020 55844477

ຂໍ້ມູນເພີ່ມເຕີມກ່ຽວກັບສະມາຄົມ ເບິ່ງໄດ້ທີ່:

• Website: www.qlalaos.org

• Facebook: https://www.facebook.com/QLACenter