ປະກາດຮັບສະໝັກພະນັກງານ

ສະມາຄົມພັດທະນາກະສິກຳ ແລະ ສິ່ງແວດລ້ອມແບບຍືນຍົງ (SAEDA) ເພື່ອຈັດຕັ້ງປະຕິບັດໂຄງການ ສົ່ງເສີມກະສິກຳນິເວດໃຫ້ຊາວນາຂະໜາດນ້ອຍ (Support Agroecology for Smallholder Farmers) ມີຄວາມຕ້ອງການຮັບສະໝັກ:

ຕຳແໜ່ງ: ພະນັກງານບໍລິຫານ ແລະ ການເງິນ (Administrative and Finance Officer)

• ປະຈຳຢູ່: ຫ້ອງການໂຄງການ ແຂວງຈຳປາສັກ

• ໄລຍະເວລາ: 18 ເດືອນ

1. ໜ້າທີ່ຮັບຜິດຊອບຫຼັກ

• ສ້າງແຜນງົບປະມານປະຈຳປີ, ປະຈຳໄຕມາດ ແລະ ປະຈຳເດືອນ ຂອງໂຄງການ.

• ຮ່ວມກັບທີມງານເຕັກນິກໃນການວາງແຜນ, ສົ່ງເສີມ ແລະ ພັດທະນາກິດຈະກຳດ້ານກະສິກຳ ແລະ ສິ່ງແວດລ້ອມ ເພື່ອຈັດຕັ້ງປະຕິບັດໃນຊຸມຊົນ ແລະ ບ້ານເປົ້າໝາຍຂອງໂຄງການ.

• ຕິດຕາມ, ກວດກາ ແລະ ຊຸກຍູ້ວຽກງານການເງິນຂອງໂຄງການທີ່ຮັບຜິດຊອບໃຫ້ຖືກຕ້ອງຕາມລະບຽບ.

• ສ້າງບົດລາຍງານການເງິນປະຈຳເດືອນ, ໄຕມາດ ແລະ ປະຈຳປີ ໃຫ້ສາຍງານ ແລະ ຄູ່ຮ່ວມງານຕາມກຳນົດເວລາ.

• ຄຸ້ມຄອງ ແລະ ບໍລິຫານວຽກງານພາຍໃນຫ້ອງການ.

• ຄຸ້ມຄອງ ແລະ ບໍລິຫານຊັບສິນ, ອຸປະກອນ ແລະ ຍານພາຫະນະຂອງໂຄງການ.

• ປະສານງານລະຫວ່າງສະມາຄົມ SAEDA ວຽງຈັນ ກັບ ພາກລັດຂັ້ນແຂວງ, ເມືອງ, ບ້ານ ແລະ ອົງການຈັດຕັ້ງອື່ນໆທີ່ກ່ຽວຂ້ອງ.

• ປະສານງານລະຫວ່າງສະມາຄົມ SAEDA ກັບ ຄູ່ຮ່ວມງານພັດທະນາອື່ນໆ.

2. ຄຸນນະວຸດທິ ແລະ ມາດຖານທີ່ຕ້ອງການ

• ຈົບການສຶກສາລະດັບ ປະລິນຍາຕີ ຫຼື ທຽບເທົ່າ ໃນສາຂາການຄຸ້ມຄອງ-ບໍລິຫານ, ການເງິນ-ບັນຊີ ຫຼື ຂະແໜງການອື່ນທີ່ກ່ຽວຂ້ອງ.

• ສັນຊາດລາວ, ອາຍຸລະຫວ່າງ 25-50 ປີ.

• ມີ ປະສົບການ ໃນການເຮັດວຽກຕົວຈິງຢ່າງໜ້ອຍ 1 ປີຂຶ້ນໄປ.

• ຫາກເຄີຍເຮັດວຽກນຳອົງການຈັດຕັ້ງສາກົນ ຫຼື ອົງການພັດທະນາ (NGOs) ມາກ່ອນ ຈະໄດ້ຮັບການພິຈາລະນາເປັນພິເສດ.

• ສາມາດນຳໃຊ້ຄອມພິວເຕີຫ້ອງການໄດ້ດີ ເຊັ່ນ: Microsoft Word, Excel, PowerPoint ແລະ ໂປຣແກຣມບັນຊີຕ່າງໆ.

• ສາມາດສື່ສານ (ເວົ້າ ແລະ ຂຽນ) ພາສາອັງກິດໄດ້ໃນລະດັບພື້ນຖານຫາປານກາງ.

• ມີຄວາມມັກ, ມີຄວາມຮັບຜິດຊອບສູງ ແລະ ຫ້າວຫັນຕໍ່ໜ້າທີ່ວຽກງານ.

• ເປັນຜູ້ທີ່ມີຈັນຍາບັນ, ບໍ່ເຄີຍມີຄະດີຄວາມ ຫຼື ເຮັດຜິດລະບຽບກົດໝາຍມາກ່ອນ.

• ຫາກເປັນຜູ້ທີ່ມີພູມລຳເນົາຢູ່ ແຂວງຈຳປາສັກ ຈະໄດ້ຮັບການພິຈາລະນາເປັນພິເສດ.

• ຕ້ອງມີໃບຂັບຂີ່ລົດຈັກ.

3. ເອກະສານປະກອບການສະໝັກ

ທ່ານໃດທີ່ມີຄວາມສົນໃຈ ສາມາດຍື່ນຄຳຮ້ອງສະໝັກດ້ວຍຕົນເອງ ຫຼື ສົ່ງຜ່ານທາງອີເມລ ເຊິ່ງປະກອບມີ:

• ຊີວະປະຫວັດ (CV)

• ໃບປະກາດສະນິຍະບັດ ແລະ ໃບຄະແນນ

• ໃບຜ່ານງານ (ຖ້າມີ)

• ໃບແຈ້ງໂທດ

• ສຳເນົາປຶ້ມສຳມະໂນຄົວ ຫຼື ບັດປະຈຳຕົວ

• ເອກະສານອື່ນໆ ທີ່ກ່ຽວຂ້ອງ

ວິທີການສົ່ງ: ສົ່ງເອກະສານທີ່ສະແກນແລ້ວມາທີ່ ອີເມລ: info.saedalaos@gmail.com

ປິດຮັບສະໝັກ: ວັນທີ 09 ມັງກອນ (01) 2026