ປະກາດຮັບສະໝັກພະນັກງານ

ສະມາຄົມພັດທະນາກະສິກຳ ແລະ ສິ່ງແວດລ້ອມແບບຍືນຍົງ (SAEDA) ເພື່ອຈັດຕັ້ງປະຕິບັດໂຄງການ ສົ່ງເສີມກະສິກຳນິເວດ ໃຫ້ຊາວນາຂະຫນາດນ້ອຍ (Support eco-agrology agriculture for small farmers)

ສະຖານທີ່: ເມືອງນະຄອນ ປາກເຊ, ປາກຊ່ອງ ແລະ ໂພນທອງ ຂອງແຂວງຈໍາປາສັກ

ໄລຍະເວລາ: ປະຈຸບັນ ຫາ ເດືອນ 6/2027

ຕຳແໜ່ງທີ່ຕ້ອງການ:

ຜູ້ວິຊາການຮັບຜິດຊອບສົ່ງເສີມກິດຈະກໍາຂອງໂຮງຮຽນ 1 ຕຳແໜ່ງ

ຫນ້າທີ່ຮັບຜິດຊອບຫຼັກ

• ນໍາວາງແຜນແຕ່ລະກິດຈະກຳ, ປະຈໍາເດືອນ, ໄຕມາດ, 6 ເດືອນ ແລະ 1 ປີ
• ນໍາພາທີມງານຈັດຕັ້ງປະຕິບັດກິດຈະກຳຂອງໂຄງການ
• ປະສານງານກັບພາກລັດຂັ້ນແຂວງ ແລະ ເມືອງ
• ຕິດຕາມການປະຕິບັດກິດຈະກຳ ແລະ ຊີ້ນໍາການປະຕິບັດກິດຈະກຳຂອງທີມງານ ແລະ ຄູ່ຮ່ວມງານ
• ຕິດຕາມ ແລະ ກວດສອບງົບປະມານກິດຈະກຳ
• ປະສານງານກັບຜູ້ຮັບຜິດຊອບແຜນງານຂອງສະມາຄົມ SAEDA ວຽງຈັນ
• ລາຍງານຜົນການຈັດຕັ້ງກິດຈະກຳ, ປະຈໍາເດືອນ, ໄຕມາດ, 6 ເດືອນ ແລະ 1 ປີ ໃຫ້ສະມາຄົມ ແລະ ຄູ່ຮ່ວມງານ
• ຄຸ້ມຄອງທີມງານໂຄງການ ແລະ ຫ້ອງການໂຄງການ

ຄຸນນະວຸດ ແລະ ຄຸນນະພາບທີ່ຕ້ອງງການ

• ຮຽນຈົບປະລິນຍາຕີຂື້ນໄປ ອື່ນໆທີ່ກ່ຽວຂ້ອງ
• ສັນຊາດລາວ ມີອາຍຸລະຫວ່າງ 30-50 ປີ
• ມີປະສົບການເຮັດວຽກວຽກງານທີ່ກ່ຽວຂ້ອງ ແລະ ບໍລິຫານໂຄງການມາກ່ອນຫຼາຍກວ່າ 5 ປີຂຶ້ນໄປ
• ເຄີຍເຮັດວຽກນໍາພາກລັດ ຫຼື ອົງການຈັດຕັ້ງສາກົນ ຫຼື ສະມາຄົມ ຫຼື ບໍລິສັດ
• ສາມາດນໍາໃຊ້ຄອມພິວເຕີ: Word, Excel, Power point, Publisher, ອິນເຕີເນັດ ແລະ ອື່ນໆ
• ສາມາດເວົ້າ ແລະ ຂຽນພາສາອັງກິດໄດ້ດີ
• ສຸຂະພາບແຂງແຮງດີ ແລະ ສາມາດເຮັດວຽກໃນເຂດຫ່າງໄກສອກຫລີກໄດ້
• ມີທັກສະການເປັນຜູ້ນໍາສູງ, ມີຄວາມຮັບຜິດຊອບ, ມີຫົວຄິດປະດິດສ້າງ, ມີຈັນຍາບັນ, ມີຄວາມອົດທົນ ແລະ ການເຮັດວຽກເປັນທີມໄດ້ດີ
• ມີໃບອະນຸຍາດຂັບຂີ່ລົດຈັກ

ການສະໝັກ

ທ່ານໃດສົນໃຈສາມາດຍື່ນຄໍາຮ້ອງສະໝັກຂຽນດ້ວຍຕົວເອງ ພ້ອມດ້ວຍ ຊີວະປະຫວັດ, ໃບປະກາດ, ໃບຜ່ານງານ, ໃບແຈ້ງໂທດ, ອັດປື້ມສຳມະໂນຄົວ/ບັດປະຈຳຕົວ ແລະ ເອກກະສານອື່ນໆ ທີ່ກ່ຽວຂ້ອງ

ສົ່ງມາທີ່: Infor.saedalaos@gmail.com

ປິດຮັບສະໝັກ ວັນທີ 26/01/2025