ແຈ້ງການ
ຫ້ອງການກະຊວງພາຍໃນ ຂໍຖືເປັນກຽດແຈ້ງມາຍັງທ່ານຊາບວ່າ: ໂດຍປະຕິບັດຕາມດຳລັດວ່າດ້ວຍມູນນິທິ ສະບັບ ເລກທີ 149/ນຍ, ລົງວັນທີ 19 ພຶດສະພາ 2011 ມາດຕາ 18 ຂໍ້ 1 ແລະ ດຳລັດວ່າດ້ວຍສະມາຄົມ ສະບັບເລກທີ 238/ ລບ, ລົງວັນທີ 11 ສິງຫາ 2017 ມາດຕາ 30 ຂໍ້ 1 ແລະ ມາດຕາ 44 ວັກສອງ, ມູນນິທິ ແລະ ສະມາຄົມ ມີພັນທະລາຍງານ ປະຈຳປີ ໃຫ້ອົງການອະນຸມັດສ້າງຕັ້ງ ແລະ ອົງການຈັດຕັ້ງລັດທີ່ກ່ຽວຂ້ອງ ກ່ຽວກັບສະພາບການຈັດຕັ້ງ, ການເຄື່ອນໄຫວ ວຽກງານ, ລາຍຮັບ-ລາຍຈ່າຍ ຂອງຕົນ, ພ້ອມນີ້, ໃນດຳລັດວ່າດ້ວຍສະມາຄົມ ມາດຕາ 21 ຍັງໄດ້ກຳນົດໃຫ້ສະມາຄົມຕໍ່ ທະບຽນທຸກໆປີ ການສົ່ງບົດລາຍງານປະຈໍາປີແມ່ນພັນທະຂອງສະມາຄົມ ແລະ ມູນນິທິ ເພື່ອສະແດງໃຫ້ເຫັນຜົນງານການ ປະກອບສ່ວນຂອງຕົນໃນຂະແໜງການຕ່າງໆໃນການພັດທະນາຊຸມຊົນ ແລະ ສັງຄົມ ເຊິ່ງເປັນຂໍ້ມູນທີ່ຈຳເປັນຕໍ່ພາກລັດໃນ ການສະຫຼຸບສັງລວມລາຍງານຂັ້ນເທິງກ່ຽວກັບຜົນງານ, ຂໍ້ສະເໜີ, ຂໍ້ຫຍຸ້ງຍາກຕ່າງໆ ຂອງສະມາຄົມ ແລະ ມູນນິທິ. ສະນັ້ນ, ຫ້ອງການກະຊວງພາຍໃນ ຈຶ່ງຂໍຖືເປັນກຽດແຈ້ງມາຍັງທ່ານ ດັ່ງນີ້:
1. ໃຫ້ມູນນິທິ, ສະມາຄົມ ສົ່ງບົດລາຍງານປະຈຳປີ 2024 ມາຍັງກະຊວງພາຍໃນ, ກະຊວງອົງການທີ່ອະນຸມັດສ້າງຕັ້ງ ຊ້າສຸດບໍ່ໃຫ້ກາຍວັນທີ 31 ທັນວາ 2024.
ໃຫ້ສະມາຄົມ ປະກອບເອກະສານເພື່ອຂໍຕໍ່ໃບທະບຽນປະຈໍາປີ 2025 ນໍາກະຊວງພາຍໃນ ລ່ວງໜ້າ 30 ວັນ ກ່ອນໃບທະບຽນຂອງສະມາຄົມ ຈະໝົດອາຍຸການນໍາໃຊ້ ເຊິ່ງການປະກອບເອກະສານ ໃຫ້ດໍາເນີນການ ດັ່ງນີ້:
ສະມາຄົມທີ່ເຄື່ອນໄຫວໃນລະດັບຂອບເຂດທົ່ວປະເທດ
ສະມາຄົມເສດຖະກິດ ຍື່ນໜັງສືສະເໜີຂໍຄໍາເຫັນກ່ຽວກັບການຕໍ່ທະບຽນສະມາຄົມ ນໍາກະຊວງອຸດ ສາຫະກຳ ແລະ ການຄ້າ. ພາຍຫຼັງໄດ້ຄໍາເຫັນແລ້ວ, ໃຫ້ປະກອບເອກະສານຄົບຖ້ວນ ແລ້ວຢັນມາຍັງກະຊວງພາຍໃນ ດັ່ງນີ້:
ສະມາຄົມວິຊາຊີບ, ເຕັກນິກວິຊາການ ແລະ ປະດິດຄິດແຕ່ງ ຫຼື ເຄື່ອນໄຫວໃນຂະແໜງການດຽວ ຍື່ນໜັງສືສະເໜີຂໍຄໍາເຫັນ ກ່ຽວກັບການຕໍ່ທະບຽນສະມາຄົມ ນໍາກະຊວງ, ອົງການລັດທຽບເທົ່າກະຊວງ ທີ່ອະນຸມັດສ້າງຕັ້ງ. ພາຍຫຼັງໄດ້ຄໍາເຫັນແລ້ວ, ໃຫ້ປະກອບເອກະສານຄົບຖ້ວນ ແລ້ວຍື່ນມາຍັງກະຊວງ ພາຍໃນ ດັ່ງນີ້.
ສະມາຄົມສັງຄົມສົງເຄາະ ແລະ ພັດທະນາສັງຄົມ ຫຼື ສະມາຄົມທີ່ເຄື່ອນໄຫວກວມເອົາສອງຂະແໜງການຂື້ນໄປ ປະກອບເອກະສານ ເພື່ອສະເໜີຂໍຕໍ່ທະບຽນນໍາ ກະຊວງພາຍໃນ ດັ່ງນີ້:
ສະມາຄົມ ທີ່ເຄື່ອນໄຫວໃນລະດັບຂອບເຂດພາຍໃນແຂວງ ຫຼື ນະຄອນຫຼວງ, ເມືອງ ຫຼື ເທດສະບານ, ນະຄອນ ຫຼື ບ້ານ
ສະມາຄົມເສດຖະກິດ ຢັນໜັງສືສະເໜີຂໍຄໍາເຫັນກ່ຽວກັບການຕໍ່ທະບຽນສະມາຄົມ ຈາກເຈົ້າແຂວງ, ເຈົ້າ ຄອງນະຄອນຫຼວງ ແລະ ກະຊວງອຸດສາຫະກຳ ແລະ ການຄ້າ ໂດຍຜ່ານພະແນກອຸດສາຫະກຳ ແລະ ການ ຄໍາແຂວງ, ນະຄອນຫຼວງ. ພາຍຫຼັງໄດ້ຮັບຄໍາເຫັນແລ້ວ, ໃຫ້ປະກອບເອກະສານຄົບຖ້ວນແລ້ວຢືນໄປຍັງ ກະຊວງພາຍໃນ ໂດຍຜ່ານພະແນກພາຍໃນແຂວງ ຫຼື ນະຄອນຫຼວງ ດັ່ງນີ້:
ສະມາຄົມວິຊາຊີບ, ເຕັກນິກວິຊາການ ແລະ ປະດິດຄິດແຕ່ງ ຫຼື ເຄື່ອນໄຫວໃນຂະແໜງ ການດຽວ ຍື່ນໜັງ ສືສະເໜີຂໍຄໍາເຫັນກ່ຽວກັບການຕໍ່ທະບຽນສະມາຄົມ ຈາກເຈົ້າແຂວງ, ເຈົ້າຄອງນະຄອນຫຼວງ ແລະ ກະຊວງ, ອົງການລັດທຽບເທົ່າກະຊວງ ທີ່ອະນຸມັດສ້າງຕັ້ງ ໂດຍຜ່ານພະແນກການ ຫຼື ອົງການລັດທຽບເທົ່າພະແນກ ຂັ້ນແຂວງທີ່ກ່ຽວຂ້ອງ. ພາຍຫຼັງໄດ້ຮັບຄໍາເຫັນໃຫ້ປະກອບເອກະສານຄົບຖ້ວນແລ້ວຢັນໄປຍັງກະຊວງພາຍ ໃນ ໂດຍຜ່ານພະແນກພາຍໃນແຂວງ ຫຼື ນະຄອນຫຼວງ ດັ່ງນີ້:
ສະມາຄົມສັງຄົມສົງເຄາະ ແລະ ພັດທະນາສັງຄົມ ຫຼື ສະມາຄົມທີ່ເຄື່ອນໄຫວກວມເອົາສອງຂະແໜງການ ຂຶ້ນໄປ ປະກອບເອກະສານເພື່ອຂໍຕໍ່ທະບຽນສະມາຄົມ ຈາກເຈົ້າແຂວງ, ເຈົ້າຄອງນະຄອນຫຼວງ ໂດຍຜ່ານພະ ແນກພາຍໃນແຂວງ, ນະຄອນຫຼວງ, ພາຍຫຼັງໄດ້ຮັບຄໍາເຫັນໃຫ້ປະກອບເອກະສານຄົບຖ້ວນ ແລ້ວຢັນໄປ ຍັງກະຊວງພາຍໃນ ດັ່ງນີ້:
3. ອາຍຸຂອງໃບທະບຽນສະມາຄົມ ມີກຳນົດ 01 ປີ ຕາມປີປະຕິທິນ, ສໍາລັບສະມາຄົມທີ່ອະນຸມັດສ້າງຕັ້ງໃໝ່ ແຕ່ເດືອນ ມັງກອນ ຫາ ເດືອນມິຖຸນາ ອາຍຸຂອງໃບທະບຽນສະມາຄົມ ຈະໝົດກຳນົດທ້າຍເດືອນທັນວາ ຂອງປີ 2024. ສໍາລັບ ສະມາຄົມ ທີ່ອະນຸມັດສ້າງຕັ້ງແຕ່ເດືອນ ກໍລະກົດ ຫາ ເດືອນທັນວາ ຂອງປີ ໃບທະບຽນສະມາຄົມຈະໝົດ ກຳນົດໃນ ທ້າຍເດືອນທັນວາ ຂອງປີ 2025.
4. ສະມາຄົມ ທີ່ບໍ່ສະເໜີຂໍຕໍ່ທະບຽນປະຈໍາປີ 02 ປີ ຕິດຕໍ່ກັນແມ່ນຈະຖືກຍຸບເລີກຕາມທີ່ກຳນົດໃນ ມາດຕາ 48 ຂອງດໍາລັດວ່າດ້ວຍສະມາຄົມ. ດັ່ງນັ້ນ, ຈຶ່ງໄດ້ແຈ້ງມາຍັງທ່ານ ເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການຢ່າງເຂັ້ມງວດ.
