ສະມາຄົມພັດທະນາກະສິກຳ ແລະ ສິ່ງແວດລ້ອມແບບຍືນຍົງ (SAEDA)  ເຮັດວຽກສົ່ງເສີມກ່ຽວກັບກະສິກຳແບບຍືນຍົງ, ສືກສາຜົນກະທົບຂອງສາເຄມີໃນການນຳໃຊ້ກັບການເຮັດກະສີກຳແລະຄວາມຫລາກຫລາຍທາງດ້ານຊີວະພາບຂອງ ຊັບພະຍາກອນທໍາມະຊາດ ເພື່ອຈັດຕັ້ງປະຕິບັດໂຄງການ, ໂຄງການສົ່ງເສີມກະສິກຳປັບຕົວເຂົ້າກັບອາກາດປ່ຽນແປງ ແລະ ການເຂົ້າເຖິງການຕະຫຼາດເພື່ອຊາວກະສິກອນໜຸ່ມໃນ 4 ບ້ານ (ບ້ານນໍ້າເເງ້ນ, ບ້ານນຳ້ທຸງ, ບ້ານປາສັກ ແລະ ບ້ານປຸ່ງ), ເມືອງຫຼວງນໍ້າທາ, ແຂວງຫຼວງນໍ້າທາ ເລີ່ມແຕ່ 01/11/2024-14/10/2026. ໂຄງການ ແມ່ນໄດ້ຮ່ວມຈັດຕັ້ງປະຕິບັດສະຫວ່າງຫ້ອງການກະສິກຳ ແລະ ປ່າໄມ້ເມືອງຫຼວງນໍ້າທາ ຮ່ວມກັບ ສະມາຄົມພັດທະນາກະສິກຳ ແລະ ສິ່ງແວດລ້ອມແບບຍືນຍົງ (SAEDA). ໂຄງການ ແມ່ນໄດ້ຮັບທຶນສະໜັບສະໜູນໂດຍ ອົງການ Solidaritätsdienst International (SODI) and ກະຊວງຮ່ວມມືເສດຖະກິດ ແລະ ພັດທະນາ (Federal Ministry for Economic Cooperation and Development-BMZ). ມີຄວາມຕ້ອງການຮັບພະນັກງານ 1 ຕໍາແໜ່ງ: ພະນັກງານບໍລິຫານ ແລະ ການເງິນຫ້ອງການ 1 ຕໍາແໜ່ງ ໂດຍປະຈຳຢູ່ຫ້ອງການ ເມືອງຫຼວງນຳ້ທາ, ແຂວງຫຼວງນໍ້າທາ. ໄລຍະເວລາ 2 ປີ

ພາລະໜ້າທີ່ຫຼັກ

• ວຽກບໍລີຫານຫ້ອງການ;
• ຈັດເກັບ ແລະ ຄຸ້ມຄອງເອກະສານ.
• ຂື້ນແຜນ ແລະ ສະຫຼຸບການເງີນຂອງສະມາຄົມ.
• ສົ່ງ ແລະ ຮັບສົ່ງເອກະສານຫ້ອງການ
• ຮັບໂທລະສັບ
• ກອບປີເອກະສານ
• ຈັດຊື້ອຸປະກອນຫ້ອງການ
• ຕິດຕາມ ແລະ ກວດແຜນງົບປະມານ ແລະ ສະຫຼຸບແຜນງົບປະມານ
• ຄຸ້ມຄອງເງິນສົດ
• ຄຸ້ມຄອງ, ກວດກາ ແລະ ຈັດລະບົບສັບສີນຫ້ອງການ ແລະ ຂໍ້ມູນຫ້ອງການ
• ເບີງຄວາມເປັນລະບຽບຮຽບຮ້ອຍ ແລະ ອຳນວຍຄວາມສະດວກຕ່າງໆ
• ຕິດຕໍ່ ແລະ ປະສານງານວຽກກັບພາຍນອກ: ທະນາຄານ, ຫ້ອງການໄປສະນີ, ອົງການຈັດຕັ້ງອື່ນໆ.

ຄຸນນະວຸດ ແລະ ມາດຖານຕ້ອງການ:

• ຮຽນ​ຈົບປະລິນຍາຕີ ຫຼື ທຽບເທົ່າ ດ້ານບໍລິຫານ ແລະ ອື່ນໆທີ່ກ່ຽວຂ້ອງ;
• ສັນຊາດລາວ ມີອາຍຸລະຫວ່າງ 22-35ປີ;
• ມີປະສົບການເຮັດວຽກດ້ານບໍລິຫານມາກ່ອນຫຼາຍກວ່າ 2 ປີ;
• ​ເຄີຍເຮັດວຽກນຳພາກລັດ ຫຼື ອົງການ​ຈັດຕັ້ງສາກົນ ຫຼື ສະມາຄົມ ຫຼື ບໍລິສັດ;
• ສາມາດນຳໃຊ້ຄອມພິວເຕີ : Word, Excel, Power point, Publisher, ອິນເຕີເນັດ ​ແລະ ອື່ນໆ;
• ສາມາດເວົ້າ ແລະ ຂຽນພາສາອັງກິດໄດ້ດີພໍສົມຄວນ;
• ມີສຸຂະພາບແຂງແຮງດີ ແລະ ສາມາດເດີນທາງໄປເຮັດວຽກໃນເຂດຫ່າງໄກສອກຫລີກໄດ້;
• ມີຄວາມຮັບຜິດຊອບສູງ, ມີຄວາມຫ້າວຫັນຕໍ່ໜ້າທີວຽກງານ, ມີຫົວຄິດປະດິດສ້າງ, ກະຕືລີລົ້ນໃນການຮຽນຮູ້ເອົາບົດຮຽນອັນໃໝ່, ມີຄວາມອົດທົນ, ມີຄວາມອ່ອນໄຫວ​ ແລະ ການເຮັດວຽກເປັນທີມໄດ້ດີ;
• ບໍ່ມີຄະດີ ແລະ ເຮັດຜິດລະບຽບກົດໝາຍມາກ່ອນ
• ສາມາດເລີ່ມເຮັດວຽກ 01/11/2024

ທ່ານໃດສົນໃຈສາມາດຍື່ນຄຳຮ້ອງສະໝັກຂຽນດ້ວຍຕົວເອງ ພ້ອມດ້ວຍ ຊີວະປະຫວັດ, ໃບປະ ກາດ, ໃບຜ່ານງານ, ໃບແຈ້ງໂທດ, ອັດປື້ມສຳມະໂນຄົວ/ບັດປະຈຳຕົວ ແລະ ເອກກະສານອື່ນໆ ທີ່ກ່ຽວຂ້ອງມາທີ່. ສະເກນ ສົ່ງມາທາງອີແມ໋ວ: infor.saedalaos@gmail.com;

ປິດຮັບສະໝັກ ວັນທີ 31/10/2024.