ສະມາຄົມ ສຸຂະພາບຊຸມຊົນ ແລະ ການມີສ່ວນຮ່ວມ (ສສຮ)
ຄຳອະທິບາຍ: ສະມາຄົມ ສຸຂະພາບຊຸມຊົນ ແລະ ການມີສ່ວນຮ່ວມ (ສສຮ) ແມ່ນອົງການຈັດຕັ້ງສັງຄົມລາວທີ່ເຮັດວຽກສົ່ງເສີມປະຊາກອນທີ່ມີຄວາມສ່ຽງ ແລະ ໄດ້ຮັບຜົນກະທົບໃນການເຂົ້າເຖີງການບໍລິການສຸຂະພາບຢ່າງ ທົ່ວເຖີງ ແລະ ເທົ່າທຽມ.
ຕໍາແຫນ່ງງານ:

• ພະນັກງານ: ພາກສະໜາມ 1 ຕໍາແໜ່ງ

ຊື່ໂຄງການ:

• ໂຄງການ ຫຼຸດຜ່ອນການສົ່ງເຊື້ອສາມພະຍາດ (HIV, Hepatitis B and Syphilis) ຈາກແມ່ສູ່ຢູ່ລູກບ່ອນຝາກທ້ອງ

ບ່ອນປະຈຳການ:

• ເມືອງ ວຽງຄໍຳ, ແຂວງວຽງຈັນ

ໄລຍະເວລາສັນຍາ:

• 01 ມີນາ – 31 ທັນວາ 2025

ໜ້າວຽກຫຼັກ:

• ປະສານງານກັບແພດ, ວິຊາການໂຮງໝໍນ້ອຍ, ອາສາສະໝັກເພື່ອນສອນເພື່ອນ ແລະ ອາສາສະໝັກຂັ້ນບ້ານໃນການສ້າງແຜນກິດຈະກໍາປະຈໍາເດືອນ.
• ອຳນວຍຄວາມສະດວກ ແລະ ໃຫ້ການບໍລິການດ້ານສຸຂະພາບ ລວມທັງ ເຮສໄອວີ, ພະຍາດໄວຣັສອັກເສບຕັບບີ ແລະ ພະຍາດຕິດຕໍ່ທາງເພດສໍາພັນໃນກຸ່ມເປົ້າໝາຍແມ່ຍີງຖືພາ ແລະ ໄວຈະເລີນພັນ ໂດຍຮ່ວມມືກັບອາສາສະໝັກບ້ານ, ໂຮງໝໍນ້ອຍ ແລະ ໂຮງໝໍເມືອງ.
• ອໍານວຍຄວາມສະດວກ ແລະ ຊ່ວຍລົງທະບຽນກຸ່ມເປົ້າໝາຍ, ລວມທັງຕິດຕາມການປ້ອນຂໍ້ມູນ, ການບັນທຶກຂໍ້ມູນທີ່ຖືກຕ້ອງຄົບຖ້ວນໃນລະບົບ ແລະ ລາຍງານຂໍ້ມູນທຸກໆເດືອນ.

ຄຸນສົມບັດ/ເງື່ອນໄຂໃນການສະໝັກ:

• ສັນຊາດ: ລາວ
• ພື້ນທີ່: ເມືອງວຽງຄໍຳ, ແຂວງວຽງຈັນ
• ການສຶກສາ:
  • ຈົບປະລີນຍາຕີ ຫລື ທຽບເທົ່າ ສາຂາແພດສາດ ຫຼື ສັງຄົມສົງເຄາະ
• ປະສົບການວຽກ:
  • ມີປະສົບການດ້ານວຽກງານພັດທະນາ ແລະ ອາສາສະໝັກສັງຄົມ ຢ່າງໜ້ອຍ 1 ປີຂື້ນໄປ
• ຄວາມຮູ້ຄວາມສາມາດ:
  • ມີຄວາມຮູ້ຄວາມສາມາດ ແລະ ທັກສະທາງດ້ານການສື່ສານ, ການປະສານງານ
  • ສາມາດນໍາໃຊ້ຄອມພີວເຕີໄດ້ຢ່າງຄ່ອງແຄ້ວ (MS Office, E-MAIL)
  • ສາມາດເດີນທາງໄປຂອບເຂດເມືອງ, ບ້ານເປົ້າໝາຍ ແລະ ຕ່າງແຂວງໄດ້ໃນບາງຄັ້ງຄາວຍ້ອນກອງປະຊຸມ, ຝຶກອົບຮົມ ແລະ ລົງຕິດຕາມ
• ຄວາມຮັບຜິດຊອບ:
  • ມີຄວາມຮັບຜິດຊອບສູງ, ມີມະນຸດສຳພັນທີ່ດີ, ສາມາດເຮັດວຽກເປັນທີມໄດ້ ແລະ ມີຈັນຍາບັນ-ຈັນຍາທຳ

ສະຖານທີ່ຮັບສະໝັກ:

• ສະມາຄົມສຸຂະພາບຊຸມຊົນ ແລະ ການມີສ່ວນຮ່ວມ (ສສຮ), ບ້ານ ຈອມມະນີ, ເມືອງໄຊເສດຖາ, ນະຄອນຫລວງວຽງຈັນ
• ຊື່ຜູ້ຕິດຕໍ່: ນ. ຈິນດາວັນ ສິງຫາລາດ
• ເບີໂທ: +856 20 91731133
• ອີເມວ: chindavanh.chias@gmail.com

ວັນທີ່ປິດຮັບສະໝັກ:

• 16/02/2025