ໜ້າທີ່ຮັບຜິດຊອບຂອງຫົວໜ້າສູນ testLPB Community Wellness Center

(ສູນບໍລິການສຸຂະພາບຊຸມຊົນ ແຂວງຫຼວງພະບາງ)

1. ຄວາມເປັນມາຂອງສູນບໍລິການສຸຂະພາບຊຸມຊົນ

ສູນບໍລິິການສຸຂະພາບຊຸມຊົນ testLPB ມີເປົ້າໝາຍເພື່ອໃຫ້ການບໍລິການທາງດ້ານສຸຂະພາບທີ່ຄອບຄຸມເພື່ອສັງຄົມ ກ່ຽວກັບສຸຂະພາບ ເຊິ່ງໃຫ້ບໍລິການກ່ຽວກັບ ເຮັສໄອວີ (HIV), ພະຍາດຕິດຕໍ່ທາງເພດສຳພັນ (STIs), ສຸຂະພາບຈິດ, ຄວາມຫຼາກຫຼາຍທາງເພດ (SOGIESC) ແລະ ການຫຼຸດຜ່ອນອັນຕະລາຍຈາກການໃຊ້ສານເສບຕິດ (Chemsex) ໂດຍເນັ້ນໃສ່ໃຫ້ບໍລິການແກ່ກຸ່ມທີ່ມີຄວາມຫຼາກຫຼາຍທາງເພດ LGBTQI ແລະ ກຸ່ມໄວໜຸ່ມທີ່ມີຄວາມສ່ຽງ, ເພື່ອສົ່ງເສີມໃຫ້ກຸ່ມດັ່ງກ່າວໄດ້ເຂົ້າການບໍລິການທີ່ເປັນມິດ ແລະ ເທົ່າທຽມ, ມີຊີວິດການເປັນຢູ່ທີ່ດີ ແລະ ສ້າງສະພາບແວດລ້ອມທີ່ປອດໄພໂດຍບໍ່ມີການຈຳແລກ ແລະ ລັງກຽດ.

2. ຕຳແໜ່ງທີ່ຕ້ອງການຮັບສະໝັກ

ຫົວໜ້າສູນບໍລິການສຸຂະພາບຊຸມຊົນ testLPB Community Wellness Center

3. ໜ້າທີ່ຮັບຜິດຊອບຂອງຫົວໜ້າສູນ

• ວາງແຜນຍຸດທະສາດໃນການດຳເນີນໂຄງການ, ຈັດຕັ້ງປະຕິບັດກິດຈະກຳທັງຢູ່ໃນສູນ ແລະ ຊຸມຊົນ ແລະ ຕິດຕາມປະເມີນຜົນໄດ້ຮັບຢ່າງຕໍ່ເນື່ອງ.
• ປະສານງານກັບທີມງານຢ່າງຕໍ່ເນື່ອງໂດຍສະເພາະກັບທ່ານໝໍຢູ່ໃນສູນ, ຜູ້ໃຫ້ຄຳປຶກສາທາງດ້ານສຸຂະພາບ, ນັກສັງຄົມສົງເຄາະ ແລະ ທີມງານພາກສະໜາມ.
• ໃຫ້ການບໍລິການທີ່ມີຄຸນນະພາບ, ເປັນມິດ ແລະ ປິດລັບ ໂດຍບໍ່ມີການເລືອກປະຕິບັດໃນການໃຫ້ບໍລິການ.
• ປະສານງານຮ່ວມມືກັບອົງກອນທາງສັງຄົມ, ໜ່ວຍງານທາງພາກລັດ ແລະ ພາກສ່ວນທີ່ກ່ຽວຂ້ອງ.
• ຕິດຕາມຄວາມກ້າວໜ້າຂອງໂຄງການ, ຂໍ້ກຳນົດ, ນະໂຍບາຍຂອງຜູ້ໃຫ້ທຶນ ແລະ ມາດຕະຖານຂອງສະມາຄົມ.

4. ຂອບເຂດຂອງໜ້າວຽກ

• ພັດທະນາການຈັດຕັ້ງປະຕິບັດ ແລະ ປັບປຸງການບໍລິການຂອງສູນທີ່ກ່ຽວຂ້ອງກັບ ເຮັສໄອວີ (HIV), ພະຍາດຕິດຕໍ່ທາງເພດສຳພັນ (STIs), ສຸຂະພາບຈິດ, ຄວາມຫຼາກຫຼາຍທາງເພດ (SOGIESC) ແລະ ການຫຼຸດຜ່ອນອັນຕະລາຍຈາກການໃຊ້ສານເສບຕິດ (Chemsex)
• ບໍລິຫານຈັດການການບໍລິການຢູ່ໃນສູນເປັນປະຈຳທຸກມື້ ເພື່ອເຮັດໃຫ້ການບໍລິການມີປະສິດທິພາບ ແລະ ປະສິດທິຜົນ
• ສຳຫຼວດເຖິງຄວາມຕ້ອງການຂອງຊຸມຊົນ ແລະ ນຳມາປັບໃຊ້ເຂົ້າໃນການໃຫ້ບໍລິການຢູ່ສູນເພື່ອໃຫ້ສອດຄ່ອງກັບຄວາມຕ້ອງການຂອງຊຸມຊົນ
• ຕິດຕາມ ແລະ ເສີມສ້າງຄວາມອາດສາມາດໃຫ້ກັບທີມງານໃນສູນ, ການຈັດຝຶກອົບຮົມທີ່ກ່ຽວຂ້ອງກັບການບໍລິການ
• ຕິດຕາມ ແລະ ບໍລິຫານງົບປະມານ, ວາງແຜນວຽກ ແລະ ລາຍງານຜົນໄດ້ຮັບໃຫ້ກັບຫົວໜ້າສາຍງານ ແລະ ຄູ່ຮ່ວມງານທາງພາກລັດ
• ຕິດຕາມ ແລະ ປະເມີນຜົນໄດ້ຮັບຂອງການຈັດຕັ້ງປະຕິດເພື່ອໃຫ້ບັນລຸໄປຕາມແຜນຕົວຊີ້ວັດຂອງໂຄງການທີ່ວາງໄວ້
• ສົ່ງເສີມການມີສ່ວນຮ່ວມຂອງຊຸມຊົນ, ສົ່ງເສີມການເຂົ້າເຖິງຂໍ້ມູນ ແລະ ການເຜີຍແຜ່ຂໍ້ມູນຜ່ານທາງ ອອນລາຍ ແລະ ອ໋ອບລາຍ ເພື່ອໃຫ້ເຂົ້າເຖິງກຸ່ມທີ່ຢູ່ໃນຊຸມຊົນ, ໂຮງຮຽນ, ສະຖານທີ່ເຮັດວຽກ.

5. ໜ້າທີ່ຮັບຜິດຊອບຫຼັກ

• ວາງແຜນແບບຍຸດທະຍາດ ແລະ ອອກແບບການບໍລິການທີ່ຄອບຄຸມ ແລະ ມີສ່ວນຮ່ວມ
• ຕິດຕາມ ແລະ ພັດທະນາຄວາມອາດສາມາດຂອງທີມງານໃຫ້ເປັນມືອາຊີບ
• ປະສານງານກັບແພດໝໍ, ຜູ້ໃຫ້ຄຳປຶກສາ, ນັກສັງຄົມສົງເຄາະ ແລະ ຄູ່ຮ່ວມງານ
• ສົ່ງເສີມພາລະກິດຂອງສູນ ແລະ ປະສານງານກັບອົງກອນຊຸມຊົນ ແລະ ພາກສ່ວນທີ່ກ່ຽວຂ້ອງ
• ຕິດຕາມ ແລະ ເກັບກຳຂໍ້ມູນ, ວິເຄາະຂໍ້ມູນ ແລະ ລາຍງານ ໂດຍນຳໃຊ້ເຄື່ອງມືລະບົບ DHIS2 ແລະ ເຄື່ອງມືອື່ນໆທີ່ກ່ຽວຂ້ອງ
• ຕິດຕາມໃນການຈັດຕັ້ງປະຕິບັດການໃຫ້ບໍລິການໃນສູນເປັນໄປຕາມເປົ້າໝາຍ, ຈຸດປະສົງ, ກົດໝາຍ ແລະ ນະໂຍບາຍຂອງອົງກອນ.

6. ຄຸນສົມບັດ ແລະ ປະສົບການ

• ລະດັບການສຶກສາປະລິນຍາຕີ ສາຂາສຸຂະພາບ, ສັງຄົມສົງເຄາະ, ສາທາລະນະສຸກ ຫຼື ສາຂາອື່ນໆທີ່ກ່ຽວຂ້ອງ (ປະລິນຍາໂທຈະພິຈາລະນາເປັນພິເສດ)
• ມີປະສົບການໃນການບໍລິຫານຈັດການໂຄງການດ້ານສຸຂະພາບ ໂດຍສະເພາະກ່ຽວກັບເຮັສໄອວີ (HIV), ພະຍາດຕິດຕໍ່ທາງເພດສຳພັນ (STIs), ສຸຂະພາບຈິດ, ຄວາມຫຼາກຫຼາຍທາງເພດ (SOGIESC)
• ມີທັກສະຄວາມເປັນຜູ້ນຳ, ການບໍລິຫານຈັດການ ແລະ ມີມະນຸດສຳພັນທີ່ດີ.
• ມີຄວາມເຂົ້າໃຈກ່ຽວກັບບັນຫາຂອງກຸ່ມຄົນຫຼາກຫຼາຍທາງເພດ LGBTQI ແລະ ກຸ່ມໄວໜຸ່ມທີ່ຄວາມສ່ຽງ.
• ມີປະສົບການໃນການເຮັດວຽກໃນຊຸມຊົນ ແລະ ການໃຫ້ບໍລິການທີ່ເໝາະສົມກັບບໍລິບົດ.

7. ໄລຍະເວລາ

ສັນຍາໃນການເຮັດວຽກແມ່ນ 12ເດືອນ ແລະ ຈະມີການຕໍ່ສັນຍາພາຍຫຼັງຈາກການປະເມີນຜົນໄດ້ຮັບຂອງໂຄງການ

8. ການລາຍງານ

ຫົວໜ້າສູນຈະລາຍງານຜົນໄດ້ຮັບຂອງການຈັດຕັ້ງປະຕິບັດໃຫ້ກັບຜູ້ປະສານໂຄງການ ແລະ ອຳນວຍການແຜນງານຂອງອົງກອນ

9. ພື້ນທີ່ຈັດຕັ້ງປະຕິບັດ

ບ້ານ ພູໝອກ, ເມືອງ ຫຼວງພະບາງ, ແຂວງ ຫຼວງພະບາງ

• #Timeline 
• ປະກາດຮັບສະໝັກແຕ່ວັນທີ 11 – 22 ສິງຫາ 2025 
• ຄັດເລືອກ VC 25-26/08/2025 
• ສຳພາດ ວັນທີ 27-28/08/2025 
• ປະກາດຜົນ ວັນທີ 29/08/2025  

ຕິດຕໍ່ພົວພັນ ທ. ອານຸສອນ ເພັດວິໄຊ ຜູ້ປະສານງານໂຄງການ 

ເບີໂທ 020 78885288

Email: anousone.testvte@gmail.com