1). ກິດຈະກຳຫຼັກຂອງສະມາຄົມແມ່ນການຈັດງານເທດສະການ ອາຫານລາວປະຈຳປີ ເພື່ອໃຫ້ນັກທຸລະກິດຂະໜາດນ້ອຍ ແລະ ກາງ, ຜູ້ປະກອບການແມ່ຍິງໃນຂອບເຂດທົ່ວປະເທດ ໄດ້ມີໂອກາດເຂົ້າຮ່ວມ ວາງສະແດງ, ຂາຍອາຫານລາວ ຜະລິດຕະພັນຫັດຖະກຳ ແລະ ຜົນຜະລິດ ທີ່ເປັນເອກະລັກແບບລາວໆ, ທັງໄດ້ມີໂອກາດແລກປ່ຽນບົດຮຽນເຊິ່ງກັນ ແລະກັນ, ຈັບຄູ່ຄ້າຂາຍຮ່ວມກັນ.
2). ຈັດສຳມະນາ, ເຝິກອົບຮົມ, ຈັດຕັ້ງທັດສະນະສຶກສາ, ໃຫ້ບັນດາ ສະມາຊິກ ແລະ ແມ່ຍິງໜຸ່ມຜູ້ມີຄວາມໄຝ່ຝັນຢາກເປັນນັກທຸລະກິດ ເພື່ອຍົກລະດັບຄວາມຮູ້, ຄວາມສາມາດກ່ຽວກັບການດຳເນີນ, ບໍລິຫານ ທຸລະກິດ ແລະ ແລກປ່ຽນບົດຮຽນ ກ່ຽວກັບທຸລະກິດ ຢູ່ພາຍໃນ ແລະ ຕ່າງປະເທດ.