ວິໄສທັດ:

ສັງຄົມຮັບຮູ້ສິດທິຂອງຄົນພິການ, ໄດ້ເຂົ້າເຖິງການສຶກສາ, ສາທາ ແລະ ຊັບພະຍາກອນທໍາມະຊາດແບບຍືນຍົງ, ຊ່ວຍໃຫ້ຄົນພິການມີສິດສະເໝີພາບເທົ່າທຽມ,ມີສ່ວນຮ່ວມໃນສັງຄົມ ແລະ ມີຄຸນນະພາບຊີວິດການເປັນຢູ່ທີ່ດີ.

ພາລະກິດ:

ຮັບປະກັນສິດສະເໝີພາບ, ການມີສ່ວນຮ່ວມ, ການຟື້ນຟູຄຸນນະພາບຊີວິດ ແລະ ເຂົ້າເຖິງການບໍລິການທຸກຮູບແບບໃນສັງຄົມ ໂດຍຜ່ານຂະບວນການສົ່ງເສີມ, ການສ້າງຄວາມອາດສາມາດ ແລະ ການຮ່ວມມືຂອງຊຸມຊົນໃນການພັດທະນາຄົນພິການ.

ເປົ້າໝາຍ:

ຍຸດທະສາດທີ່ 1:

ສົ່ງເສີມຄົນພິການໃຫ້ເຂົ້າເຖິງດ້ານສິດທິມະນຸດ, ຝຶກອົບຮົມອາຊີບ ຕາມຄວາມເໜາະສົມ ເພື່ອພັດທະນາຊີວິດການເປັນຢູ່ຢ່າງເທົົ່າທຽມໃນສັງຄົມ.

1.1 ຈຸດປະສົງ

1. ສົົ່ງເສີມໃຫ້ຄົນພິການໄດ້ພັດທະນາຊີວິດການເປັນຢູ່ຂອງຕົນຢ່າງເທົົ່າທຽມກັບຄົນອື່ນໃນສັງຄົມໂດຍຜ່ານການໂຄສະນາ, ປູກຈິດສໍານຶກ, ສັາງຄວາມຮັບຮູ້ໃໝ່ກ່ຽວກັບຄົນພິການ.
2. ເພື່ອເຄົາລົບສິດຂອງຄົນພິການໃນການທໍາມາຫາກິນ, ການປະກອບອາຊິບ ແລະ ການມີສ່ວນຮ່ວມໃນການເຄື່ອນໄຫວວຽກງານຕ່າງໆຢ່າງເທົົ່າທຽມ.
3. ຜັກດັນໃຫ້ຜູ້ພິການໄດ້ມີສ່ວນຮ່ວມຢ່າງເຕັມສ່ວນ, ຢ່າງມີປະສິດທິຜົນ ແລະ ໄດ້ຮັບໂອກາດເທົ່າທຽມກັນ ສໍາລັບການເປັນຜູ້ນໍາໃນທຸກລະດັບ ຂອງການຕັດສິນໃຈທາງດ້ານການເມືອງ, ເສດຖະກິດ ແລະ ຊີວິດການເປັນຢູ່ໃນສັງຄົມ

ຍຸດທະສາດທີ່ 2:

ຊຸກຍູ້ຄວາມເປັນເຈົ້າການຂອງຊຸມຊົນໃນວຽກງານການສຶກສາແຕ່ລະຂັ້ນ ເພື່ອຮັບປະກັນໃຫ້ທຸກພາກສ່ວນ ມີສ່ວນຮ່ວມໃນການພັດທະນາການສຶກສາຂອງຄົນພິການ.

2.1 ຈຸດປະສົງ

1. ສົົ່ງເສີມ, ພັດທະນາຄຸນນະພາບຂອງການສຶກສາຮຽນຮ່ວມ, ສະໜັບສະໜູນການສຶກສາ ແລະ ກິລາ-ກາຍຍະກຳສະເພາະດ້ານແກ່ຄົນພິການເພື່ອຮັບປະກັນໃຫ້ທຸກພາກສ່ວນມີສ່ວນຮ່ວມ.
2. ປັບປຸງ ແລະ ສ້າງສິ່ງອໍານວຍຄວາມສະດວກ ຢູ່ສະຖາບັນການສຶກສາ ເພື່ອອຳນວຍຄວາມສະດວກໃຫ້ແກ່ຄົນພິການໄດ້ເຂົ້າເຖິງ.

ຍຸດທະສາດທີ່ 3:

ອໍານວຍຄວາມສະດວກໃນການເຂົ້າເຖິງການບໍລິການທາງດ້ານສາທາລະນະສຸກຂອງຊຸມຊົນ ແລະ ຜູ້ພິການໃນທຸກຮູບແບບ.

3.1 ຈຸດປະສົງ

1. ສົ່ງເສີມໂພຊະນການ ແລະ ຂຸຂະອະນາໄມເພື່ອສຸຂະພາບທີ່ດີຂອງທຸກຄົນໃນຊຸມຊົນ.
2. ໂຄສະນາເຜີຍແຜ່ນະໂຍບາຍໃນການປ້ອງກັນ, ປີ່ນປົວ, ຟື້້ນຟູຮ່າງກາຍ ແລະ ຈິດໃຈຂອງຜູ້ທີ່ໄດ້ຮັບເຄາະຮ້າຍຈາກອຸບັດເຫດ ຫຼື ຜົນກະທົບຈາກລູກລະເບີດບໍ່ທັນແຕກ.
3. ສົົ່ງເສີມໃຫ້ຄົນພິການໄດ້ເຂົ້າເຖີງການບໍລິການເຄື່ອງອົງຄະທຽມ, ເຄື່ອງຄໍ້າຊູ, ເຄື່ອງຊ່ວຍຊູ, ເຄື່ອງຊ່ວຍໃນການນໍາທາງ, ເຄື່ອງຊ່ວຍຟັງ ປະເພດຕ່າງໆ ຢ່າງເໝາະສົມ;

ຍຸດທະສາດທີ່ 4:

ສົ່ງເສີມການມີສ່ວນຮ່ວມຂອງຊຸມຊົນ/ຄົນພິການໃນການຟື້ນຟູ, ອະນຸລັກ, ປົກປ້ອງຊັບພະຍາກອນທຳມະຊາດ ແລະ ສິ່ງແວດລ້ອມລວມທັງການນຳໃຊ້ລະບົບນິເວດແບບຍືນຍົງ.

4.1 ຈຸດປະສົງ

1. ສົົ່ງເສີມຄວາມອາດສາມາດດ້ານບົດບາດຍິງ-ຊາຍໃນການວາງແຜນ ແລະ ການຄຸ້ມຄອງວຽກງານການນຳໃຊ້ຊັບພະຍາກອນທຳມະຊາດ ແລະສິ່ງແວດລ້ອມ ຕາມທິສີຂຽວ ແລະ ຍືນຍົງ.
2. ສົ່ງເສີມວຽກງານກະສິກຳແບບມີສ່ວນຮ່ວມຂອງຄົນພິການໃຫ້ກັບຊຸມຊົນ.
3. ສົ່ງເສີມການມີສ່ວນຮ່ວມ ແລະ ການລວມເອົາຜູ້ພິການເຂົົ້າໃນວຽກງານຄຸ້ມ ຄອງໄພພິບັດ.

ຍຸດທະສາດທີ່ 5:

ຍຸດທະສາດການພັດທະນາອົງກອນ  ແລະ ບຸກຄາລາກອນ.

5.1 ຈຸດປະສົງ

1 ພັດທະນາບຸກຄະລາກອນ ໂດຍສ້າງຄວາມເຂັ້ມແຂງ, ຝຶກອົບຮົມທັກສະຕ່າງໆພ້ອມກັບການແລກປ່ຽນບົດຮຽນນຳຄູ່ຮ່ວມງານ ແລະ ຊຸມຊົນ.

ປີສ້າງຕັ້ງສະມາຄົມ

24 ເດືອນພະຈິກ 2020

ກຸ່ມເປົ້າໝາຍ: 

ຄົນທົ່ວໄປ ແລະ ບຸກຄົນທີ່ມີຄວາມພິການທາງຮ່າງກາຍ, ຕາ, ການໄດ້ຍິນ, ການປາກເວົ້າ ແລະ ສະຕິປັນຍາ, ຄວາມຈຳ ແລະ ອື່ນໆ.