ວັນທີ27 ຕຸລາ 2023, ອົງການຈັດຕັ້ງສັງຄົມລາວຈຳນວນ 23 ອົງກອນ ໄດ້ເຊັນສັນຍາ ເພື່ອສ້າງຄວາມເຂັ້ມແຂງຄວາມອາດສາມາດດ້ານອົງກອນ ແລະ ທັກສະການເຈລະຈາ ໂດຍຜ່ານວິທີ "ການຮຽນຮູ້ໂດຍການເຮັດວຽກຕົວຈິງ" ເຊິ່ງເປັນສ່ວນຫນຶ່ງຂອງແຜນງານການມີສ່ວນຮ່ວມຂອງປະຊາຊົນຕໍ່ວຽກງານການປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ (CEGGA).

ກົນໄກການໃຫ້ທຶນຂະໜາດນ້ອຍຂອງແຜນງານ CEGGA ໃຫ້ແກ່ອົງການຈັດຕັ້ງສັງຄົມ ຈັດຕັ້ງປະຕິບັດໂຄງການຢ່າງມີປະສິດທິຜົນ ແລະ ນຳໃຊ້ທັກສະໃໝ່ໆໃນສະພາບແວດລ້ອມຕົວຈິງ, ເຮັດໃຫ້ເຂົ້າໃຈໃນການສົນທະນາດ້ານນະໂຍບາຍ. ຜົນໄດ້ຮັບຫຼັກໆ ແມ່ນເພື່ອປະກອບສ່ວນເຂົ້າໃນການພັດທະນາແບບຍືນຍົງ ຂອງ ສປປ ລາວ.

ພິທີມອບ-ຮັບທຶນຊ່ວຍເຫຼືອລ້າຂະໜາດນ້ອຍຂອງແຜນງານ CEGGA ເປັນງານທີ່ມີຄວາມໝາຍຄວາມສໍາຄັນ ແລະ ໄດ້ເຊີນບັນດາອົງການຈັດຕັ້ງສັງຄົມທີ່ໄດ້ທຶນຂະໜາດນ້ອຍ ແລະ ບັນດາຜູ້ໃຫ້ທຶນ, ຕາງໜ້າລັດຖະບານ ແລະ ບັນດາຄູ່ຮ່ວມງານ. ພິທີມອບ-ຮັບທຶນ ລະຫວ່າງຜູ້ໃຫ້ທຶນ ແລະ ຄູ່ຮ່ວມງານຂອງແຜນງານ CEGGA ກໍຄຶອົງການ Cord ແລະ Helvetas, ແລະ ໄດ້ຮັບການເປັນສັກຂີພິຍານຈາກຄູ່ຮ່ວມງານທີມເອີຣົບ, ກະຊວງພາຍໃນ ແລະ GIZ. ແຜນງານ CEGGA ສະໜັບສະໜູນ ອົງການຈັດຕັ້ງສັງຄົມດ້ານທຶນ ແລະ ສ້າງຄວາມອາດສາມາດດ້ານອົງກອນ ໂດຍຜ່ານຄູ່ຮ່ວມງານອົງການ Cord, ແລະ ການໃຫ້ທຶນ ແລະ ພັດທະນາທັກສະການສື່ສານ ແລະ ການແລກປ່ຽນຄຳຄິດເຫັນ ໂດຍຜ່ານຄູ່ຮ່ວມງານອົງການ Helvetas.

ພິທີດັ່ງກ່າວເປັນຂີດໝາຍການເລີ່ມຕົ້ນຮັບເອົາທຶນຊ່ວຍເຫຼືອລ້າຂະໜາດນ້ອຍຂອງແຜນງານ CEGGA ຄັ້ງທີ່ 3. ພາຍໃຕ້ການໃຫ້ທຶນຂະໜາດນ້ອຍໃນສອງຮອບວຽນທຳອິດ, ອົງການຈັດຕັ້ງສັງຄົມ ຈຳນວນ 37 ອົງການໄດ້ປັບປຸງຄວາມສາມາດດ້ານອົງກອນ ແລະ ໄດ້ຈັດຕັ້ງປະຕິບັດໂຄງການໃນ 5 ຂົງເຂດຄື: ສຶກສາ, ສາທາລະນະສຸກ ແລະ ໂພຊະນາການ, ຊັບພະຍາກອນທຳມະຊາດ ແລະ ສິ່ງແວດລ້ອມ, ກະສິກຳ ແລະ ພັດທະນາຊົນນະບົດ, ການສ້າງຄວາມຮັບຮູ້ດ້ານກົດໝາຍ ແລະ ຊ່ວຍເຫຼືອຜູ້ເຄາະຮ້າຍທຸກຮູບແບບ, ການໃຊ້ຄວາມຮຸນແຮງ ແລະ ການຄ້າມະນຸດ. ໃນໄລຍະທີ່ຜ່ານມາຂອງແຜນງານ CEGGA, ໂຄງການຊ່ວຍເຫຼືອຂະໜາດນ້ອຍໄດ້ເຂົ້າເຖິງ 200 ບ້ານໃນ 15 ແຂວງ ແລະ ຜູ້ໄດ້ຜົນປະໂຫຍດຫລາຍກວ່າ 9,000ຄົນ, ໃນນັ້ນມີເພດຍິງຫຼາຍກ່ວາ 5,000 ຄົນ ແລະ ຊົນເຜົ່າຫຼາຍກ່ວາ 2000 ຄົນ.

ແຜນງານ CEGGA ໄດ້ຮັບທຶນຈາກລັດຖະບານສະວິສເຊີແລນ, ລັດຖະບານເຢຍລະມັນ ແລະ ສະຫະພາບ ເອີຣົບ. GIZ ໄດ້ຮັບມອບໝາຍໃຫ້ຈັດຕັ້ງປະຕິບັດແຜນງານຮ່ວມກັບກະຊວງພາຍໃນ, ກະຊວງຍຸຕິທໍາ, ສະພາແຫ່ງຊາດ ແລະ ຄະນະປະສານງານອົງການຈັດຕັ້ງສັງຄົມລາວ.