ໃນວັນພະຫັດ ທີ 24 ສິງຫາ 202322 ອົງການຈັດຕັ້ງສັງຄົມ (CSO) ໄດ້ປິດໂຄງການຕອບໂຕ້ COVID-19 ທີ່ໄດ້ຮັບທຶນຈາກສະຫະພາບເອີຣົບເປັນເວລາ 3 ປີ. ໂຄງການ ‘ການປະກອບສ່ວນຂອງອົງການຈັດຕັ້ງສັງຄົມລາວ ເພື່ອປ້ອງກັນ ແລະ ຫຼຸດຜ່ອນຄວາມສ່ຽງຈາກພະຍາດ ໂຄວິດ-19’ (CiSAC-19) ໄດ້ຕອບໂຕ້ກັບການລະບາດຂອງພະຍາດໂຄວິດ-19 ດ້ວຍກິດຈະກຳປ້ອງກັນ ແລະ ຟື້ນຟູຊີວິດການເປັນຢູ່ທັງໝົດເຖິງ 1,150 ກິດຈະກຳ.

ໂຄງການ CISAC ໄດ້ຊ່ວຍປະຊາຊົນຫຼາຍກວ່າ 164,000 ຄົນໂດຍການສະກັດກັ້ນການແຜ່ລະບາດຂອງພະຍາດ COVID 10 ແຂວງທົ່ວປະເທດໃນຊ່ວງໄລຍະມີການແຜ່ລະບາດ. ໂດຍການສົມທົບກັບລັດຖະບານທຸກຂັ້ນ, ອົງການຈັດຕັ້ງສັງຄົມໄດ້ເຜີຍແຜ່ຂໍ້ມູນການປ້ອງກັນພະຍາດໂຄວິດໄປທົ່ວ 218 ບ້ານໃນ 34 ເມືອງ. ໃນນັ້ນລວມທັງການເຄື່ອນໄຫວປູກຈິດສຳນຶກຢູ່ໂຮງຮຽນ 130 ແຫ່ງ, ສຸກສາລາ 40 ແຫ່ງ ແລະ ຕະຫຼາດ 8 ແຫ່ງ, ພ້ອມທັງສ້າງອ່າງລ້າງມືຫຼາຍກວ່າ 300 ແຫ່ງ ແລະ ເຂົ້າເຖິງປະຊາຊົນນັບພັນຄົນໃນການໃຫ້ຄວາມຮູ້ການສັກຢາວັກຊີນ.

ທ່ານ ນາງ ອີນ່າ, ເອກອັກຄະລັດຖະທູດສະຫະພາບເອີຣົບປະຈຳລາວ. ໄດ້ຕີລາຄາບົດບາດສຳຄັນຂອງອົງການຈັດຕັ້ງສັງຄົມໃນການ ສະໜັບສະໜູນໂຄງການຕອບໂຕ້ແຫ່ງຊາດ: ໂຄງການ CiSAC ເປັນຫຼັກຖານທີ່ດີຂອງການຮ່ວມມືລະຫວ່າງສະຫະພາບເອີຣົບ, ລັດຖະບານ, ອົງການຈັດຕັ້ງສາກົນ ແລະ ອົງການຈັດຕັ້ງສັງຄົມລາວ, ສາມາດໃຫ້ຜົນໄດ້ຮັບທີ່ປະສົບຜົນສໍາເລັດແລະມີຄຸນນະພາບທີ່ມີຜົນໄດ້ຮັບບທີ່ເຫັນໄດ້ຊັດເຈນ. ໂຄງການດັ່ງກ່າວຊ່ວຍເພີ່ມທະວີການພົວພັນ ແລະ ສ້າງຄວາມໄວ້ເນື້ອເຊື່ອໃຈລະຫວ່າງອົງການປົກຄອງທ້ອງຖິ່ນ ແລະ ອົງການຈັດຕັ້ງສັງຄົມລາວ, ສະແດງໃຫ້ເຫັນວ່າ ອົງການຈັດຕັ້ງສັງຄົມລາວສາມາດປະກອບສ່ວນຢ່າງມີປະສິດທິຜົນເຂົ້າໃນວາລະເປົ້າໝາຍການພັດທະນາແບບຍື່ນຍົງ ແລະ ໃນໄລຍະເກີດວິກິດການສຸກເສີນ.. ໂຄງການນີ້ບໍ່ພຽງແຕ່ຫຼຸດຜ່ອນອັດຕາການເສຍຊີວິດ ແລະ ປ້ອງກັນການເຈັບປ່ວຍເທົ່ານັ້ນແຕ່ຍັງໄດ້ສະໜັບສະໜູນການຟື້ນຟູເສດຖະກິດຂອງຫຼາຍພັນຄອບຄົວໃນທົ່ວ ສປປ ລາວ.

ດຣ ໄພວັນ ແກ້ວປະເສີດ, ຮອງລັດຖະມົນຕີກະຊວງສາທາລະນະສຸກ ໄດ້ກ່າວວ່າ : “ກະຊວງສາທາລະນະສຸກຊົມເຊີຍການຮ່ວມ ມືລະຫວ່າງລັດຖະບານ ແລະ ອົງການຈັດຕັ້ງສັງຄົມລາວ ໃນການຕອບໂຕ້ກັບການລະບາດຂອງພະຍາດໂຄວິດ.ການຮ່ວມມືນີ້ແມ່ນເປັນແບບຢ່າງຂອງການເຮັດວຽກຮ່ວມກັນທີ່ເຮັດໃຫ້ພວກເຮົາສາມາດຮັບມືກັບສິ່ງທ້າທາຍໃນທົ່ວໂລກຢ່າງສຳເລັດຜົນ.

ທ່ານນາງ ແຄໂຣລ ໂມແທນສັນ ອໍານວຍການ ອົງການແພລນ ສາກົນ ປະຈໍາ ສປປ ລາວໄດ້ກ່າວຊົມເຊີຍຜົນໄດ້ຮັບຈາກຄູ່ຮ່ວມງານທັງໝົດວ່າ: “ໂຄງການ CISAC ໄດ້ຮັບຜົນສຳເລັດຫລາຍໃນການຊ່ວຍເຫຼືອບັນດາຄອບຄົວເພື່ອຫຼຸດຜ່ອນຜົນກະທົບຈາກພະຍາດໂຄວິດ. ອົງການແພລນ ສາກົນ ປະຈໍາ ສປປ ລາວມີຄວາມພາກພູມໃຈທີ່ໄດ້ຮ່ວມມືກັບອົງການຈັດຕັ້ງສັງຄົມລາວ ອີກຄັ້ງໃນການຈັດປະຕິບັດຄັ້ງນີ້ ແລະ ຂໍສະແດງຄວາມຂອບໃຈມາຍັງກະຊວງສາທາລະນະສຸກ ແລະ ກະຊວງແຮງງານ ແລະ ສະຫວັດດີການ ສັງຄົມທີ່ໄດ້ໃຫ້ການສະໜັບສະໜູນຢ່າງເຕັມທີ່ໃນລະດັບຊາດ, ຂັ້ນແຂວງ ແລະ ຂັ້ນເມືອງໃນໂຄງການນີ້.”

ໃນໄລຍະ 12 ເດືອນຜ່ານມາ, ອົງການຈັດຕັ້ງສັງຄົມລາວ ໄດ້ສຸມໃສ່ການຟື້ນຟູຊີວິດການເປັນຢູ່ເພື່ອແກ້ໄຂຜົນກະ ທົບດ້ານເສດຖະກິດຈາກພະຍາດໂຄວິດ ແລະ ອັດຕາເງິນເຟີ້ຕຕໍ່ຄອບຄົວທີ່ເຮັດວຽກ. ປະຊາຊົນຫຼາຍກວ່າ 5.100 ຄົນໄດ້ຮັບ ການສະໜັບສະໜູນເພື່ອຟື້ນຟູຊີວິດການເປັນຢູ່ຂອງເຂົາເຈົ້າດ້ວຍກິດຈະກໍາຕ່າງໆເປັນຕົ້ນແມ່ນເຮືອນຮົ່ມສຳລັບສວນຜັກ, ທຶນຂະ ໜາດນ້ອຍເພື່ອການສຶກສາ ແລະ ການລ້ຽງກົບລວມທັງເຄື່ອງຫັດຖະກໍາ, ການຜະລິດສະບູ ແລະ ຜະລິດຕະພັນກວນໝາກໄມ້ເຊິ່ງຊີວິດການເປັນຢູ່ເຫຼົ່ານີ້ກຳລັງຊ່ວຍໃຫ້ປະຊາຊົນມີລາຍໄດ້ເພີ່ມຂຶ້ນ.

ທ່ານດຣ ຈັນສີ ພິມມະຈັນ ຫົວໜ້າຄະນະກຳມະການອົງການຈັດຕັ້ງສັງຄົມລາວ (LCCC) ກ່າວໃນໂອກາດນີ້ວ່າ: ““ອົງການຈັດຕັ້ງ ສັງຄົມລາວ ໄດ້ຕອບສະໜອງວຽກງານປ້ອງກັນພະຍາດໂຄວິດນັບແຕ່ປີ 2020 ເປັນຕົ້ນມາ ແລະ ໄດ້ຈັດຕັ້ງປະຕິບັດຫຼາຍກວ່າ 1,150 ກິດຈະກຳ ນັບຕັ້ງແຕ່ອົງການຈັດຕັ້ງສັງຄົມລາວໄດ້ຮັບທຶນພາຍໃຕ້ໂຄງການ CISAC ໃນເດືອນພຶດສະພາ ປີ 2021.. ໂຄງການເຫຼົ່ານີ້ບໍ່ພຽງແຕ່ໄດ້ສະໜັບສະໜູນຊຸມຊົນເພື່ອປ້ອງກັນພະຍາດໂຄວິດໂດຍການປະຕິບັດສຸຂະອະນາໄມທີ່ດີຂຶ້ນ ແລະ ການສັກຢາວັກຊີນເພີ້ມຂຶ້ນເທົ່ານັ້ນ, ແຕ່ຍັງໄດ້ສຸມໃສ່ແກ້ໄຂຜົນກະທົບທາງລົບຈາກພະຍາດໂຄວິດ, ລວມທັງພາລະດ້ານສັງຄົມ ແລະ ການເງິນຂອງຄອບຄົວປະຊາຊົນລາວ.. ໂຄງການເຫຼົ່ານີ້ໄດ້ຊ່ວຍໃຫ້ແມ່ຍິງ, ເດັກຍິງ ແລະ ຊຸມຊົນຂອງເຂົາເຈົ້າໃນການປ້ອງກັນ ແລະ ຟື້ນຕົວຈາກພະຍາດໂຄວິດ.”-19.”

ໂຄງການ CiSAC ໄດ້ຖືກຈັດຕັ້ງປະຕິບັດໂດຍການຮ່ວມມືລະຫວ່າງກະຊວງສາທາລະນະສຸກ, ສະມາຄົມພັດທະນາກະສິກຳ ແລະ ສິ່ງແວດລ້ອມແບບຍືນຍົງ (SAEDA), ສະມາຄົມສູຂະພາບຊຸມຊົນ ແລະ ການມີສ່ວນຮ່ວມ (CHIAS) ແລະ ອົງການແພລນ ສາກົນ ປະຈໍາ ສປປ ລາວ ພາຍໃຕ້ການຊີ້ນຳ ແລະ ຫ້ອງການປະສານງານອົງການຈັດຕັ້ງສັງຄົມ (LCCO).

ບັນດາສະມາຄົມທີ່ຕອບສະໜອງໃນໂຄງການນີ້ລວມມີ: ສະມາຄົມແມ່ຍີງຮ່ວມໃຈພັດທະນາ (MHP) ແລະ ສະມາຄົມສົ່ງເສີມຄວາມຮູ້ເພື່ອການພັດທະນາຊົນນະບົດແບບມີສ່ວນຮ່ວມ (CAMKID) ແຂວງບໍ່ແກ້ວ; ສະມາຄົມສົ່ງເສີມສຸຂະພາບຄອບຄົວ (PFHA) ແລະ ເຄືອຂ່າຍເພື່ອການພັດທະນາສັງຄົມ (SODA) ແຂວງຫຼວງນ້ຳທາ; ສະມາຄົມຮ່ວມໃຈພັດທະນາ (SDA) ແລະ ສະມາຄົມຊ່ວຍເຫຼືອເຊິ່ງກັນ ແລະ ກັນ (AMA) ແຂວງຫຼວງພະບາງ; ສະມາຄົມສົ່ງເສີມການນຳໃຊ້ຊັບພະຍາກອນ ທຳມະຊາ ແບບຍືນຍົງ (PSNUA) ແລະ ສະມາຄົມຮ່ວມໃຈອາສາສະມັກ ( HJA) ແຂວງ ໄຊຍະບູລີ ; ສະມາຄົມສົ່ງເສີມຄວາມຮູ້ກ່ຽວກັບການຄົ້ນຄວ້າ ແລະ ພັດທະນາຊົນນະບົດ (RRDPA) ແລະ ສະມາຄົມພັດທະນາບົດບາດຍິງຊາຍ (GDA) ແຂວງວຽງຈັນ; ສະມາຄົມພັດທະນາແມ່ຍິງ ແລະ ການສຶກສາກົດໝາຍ (ADWLE) ແລະ ສະມາຄົມສົ່ງເສີມແຮງງານນອກລະບົບ (IWAA) ນະຄອນຫຼວງວຽງຈັນ; ສະມາຄົມສົ່ງເສີມການຮຽນຮູ້ເພື່ອການພັດທະນາ (LDA) ແລະ ສະມາຄົມສົ່ງເສີມທັກສະຊີວິດ ເດັກນ້ອຍ ແລະ ໄວໜຸ່ມ (APPREN) ແຂວງບໍລິຄຳໄຊ ; ສະມາຄົມນຳ້ໃຈຊາວບ້ານ (NCA) ແລະ ສະມາຄົມ ເຄືອຂ່າຍຜູ້ຕິດເຊື້ອເຮສໄອວີເອດ ( APL+) ແຂວງ ຄຳມ່ວນ ; ສະມາຄົມພັດທະນາຊຸມຊົນ (CODA) ແລະ ສະມາຄົມຕະກຽງລາວ (TKL) ແຂວງສະຫວັນນະເຂດ, ແລະ ສະມາຄົມ ຄົນພິການແຫ່ງຊາດ ສາຂາແຂວງຈຳປາສັກ (LDPA.CPS) ແລະ ສະມາຄົມພັດທະນາຊຸມຊົນເມືອງໂຂງ (KCDA) ແຂວງຈຳປາສັກ.

ການໃຫ້ທຶນຂອງໂຄງການ CISAC ແມ່ນສ່ວນຫນຶ່ງຂອງທີມເອີຣົບຕອບໂຕ້ພະຍາດໂຄວິດ, ສະຫນອງໂດຍສະຫະພາບເອີຣົບ ເພື່ອແນໃສ່ສະໜັບສະໜູນລັດຖະບານແຫ່ງ ສປປ ລາວ ເພື່ອຫລຸດຜ່ອນຜົນກະທົບດ້ານສຸຂະພາບ, ເສດຖະກິດ ແລະ ສັງຄົມ ຈາກພະຍາດລະບາດ ແລະ ເພີ່ມທະວີການຮ່ວມມືຢ່າງມີປະສິດທິຜົນກັບບັນດາອົງການຈັດຕັ້ງສັງຄົມ. ທຶນທີ່ສະໜອງໃຫ້ພາຍ ໃຕ້ໂຄງການນີ້ແມ່ນສະເພາະສໍາລັບອົງການຈັດຕັ້ງສັງຄົມລາວ. ສະຫະພາບເອີຣົບຍັງໄດ້ຈັດຕັ້ງປະຕິບັດໂຄງການກັບກະຊວງ ສາທາ ລະນະສຸກ ແລະ ອົງການອະນາໄມໂລກລວມທັງການສະຫນອງທຶນເພື່ອສະຫນັບສະຫນູນລັດຖະບານເພື່ອຕອບໂຕ້ພະຍາດໂຄວິດໂດຍກົງ. ນີ້ເປັນຄວາມພະຍາຍາມຂອງໂລກ ແລະ ສະຫະພາບເອີຣົບພູມໃຈທີ່ໄດ້ຮ່ວມມືກັບລັດຖະບານລາວ ແລະ ອົງການ ຈັດຕັ້ງສັງຄົມລາວເພື່ອຫຼຸດຜ່ອນຜົນກະທົບທາງລົບຈາກພະຍາດນີ້ບໍ່ວ່າຈະເປັນທັງຜົນກະທົບຕໍ່ສຸຂະພາບກໍ່ຄືຜົນກະທົບຕໍ່ ຊີວິດການເປັນຢູ່.

More information about

CISAC Project Facebook Page

https://www.facebook.com/CISAClaos

 
Communication Centre for Education and Health

https://www.facebook.com/CIEH.MoH.Lao

Department of Communicable Disease Control

http://cdc.gov.la/index.php/en/home/

 
The European Union in Laos

https://eeas.europa.eu/delegations/lao-pdr_en

https://www.facebook.com/EUinlaos/

Plan International Laos

http://plan-international.org/laos/

https://www.facebook.com/planinlaos/

 
Community Health and Inclusion Association (CHIas)

https://www.facebook.com/chiaslaoscso.org/

Sustainable Agriculture and Environment for Development Association (SAEDA)

https://saeda.net/

https://www.facebook.com/Saedalaopage/
 
Lao CSO Coordination Office

https://laocso.org/covid-19

https://www.facebook.com/lccolaos

Contacts

ຕິດຕໍ່: Mr. Nalongsak Xayalath

ອີເມວ: nalongsak.xayalath@plan-international.org

Mobile: 020 5894 7789