ໃນວັນທີ່ 13 ກັນຍາ 2023 ທີ່ຜ່ານມາ ກອງເລຂາ ຄະນະກໍາມະການປະສານງານອົງການຈັດຕັ້ງສັງຄົມ ພ້ອມດ້ວຍກຸ່ມວິຊາການດ້ານການສຶກສາ ຂອງອົງການຈັດຕັ້ງສັງຄົມລາວ ໄດ້ຈັດ ກອງປະຊຸມກຸຸ່ມວິຊາການດ້ານການສຶກສາຂອງອົງການຈັດຕັ້ງສັງຄົມລາວ ທີ່ ໂຮງແຮມ ແກຣນ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ດຣ ນາງ ຈັນສີ ພິມພະຈັນ ຫົວໜ້າຄະນະກຳມະການອົງການຈັດຕັ້ງສັງຄົມລາວ ແລະ ທ່ານ ປອ ໂພໄຊ ຈັນທະວົງສາ, ຫົວໜ້າກຸ່ມວິຊາການດ້ານການສຶກສາ ພ້ອມທັງຜູ້ເຂົ້າຮ່ວມຈາກບັນດາກະຊວງ ກົມກອງທີ່ກ່ຽວຂ້ອງ, ຜູ້ຕາງໜ້າຈາກສູນກາງ, ອົງການຈັດຕັ້ງສາກົນ, ອົງການຈັດຕັ້ງທາງສັງຄົມ ແລະ ວິຊາການຈາກບັນດາສະມາຄົມເຂົ້າຮ່ວມ.

ຈຸດປະສົງຂອງກອງປະຊຸມແມ່ນ ເພື່ອທົບທວນບັນຫາ, ສິ່ງທ້າທາຍ, ຄວາມຕ້ອງການ ແລະ ຜົນງານທີ່ໄດ້ຈັດຕັ້ງປະຕິບັດຜ່ານມາ ຂອງສະມາຊິກພາຍໃນກຸ່ມ ແລະ ຮ່ວມກັນວາງແຜນໃນວຽກງານດ້ານການສຶກສາທີ່ຈະຈັດຕັ້ງປະຕິບັດຮ່ວມກັນໃນອະນາຄົດ, ພ້ອມທັງຂົນຂວາຍ ແລະ ລະດົມທຶນການມີສ່ວນຮ່ວມລິເລີ່ມການຈັດຕັ້ງປະຕິບັດ ຈາກບັນດາຄູ່ຮ່ວມພັດທະນາ ໃນຂະແໜງວຽກງານການສຶກສາ ໃຫ້ສອດຄ່ອງກັບແຜນຍຸດທະສາດ ຂອງກະຊວງສຶກສາທິການ ແລະ ກິລາ.

ສະໜັບສະໜູນໂດຍ: ແຜນງານການມີສ່ວນຮ່ວມຂອງປະຊາຊົນຕໍ່ວຽກງານການປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ ໄລຍະ II